ghaur bhala kab un par farmata hun main

ġhaur bhalā kab un par farmātā huuñ maiñ

kuchh bāteñ to yuuñ hī kah jaatā huuñ maiñ

dil ke kāmoñ meñ merā kuchh daḳhl nahīñ

haañ mauqa' lagne par samjhātā huuñ maiñ

lauTnā hotā hai jab shahr-e-hasrat se

achchhā-ḳhāsā bojh uThā laatā huuñ maiñ

dekho kis kī samā'at kartī hai ehsān

kis ko apnā haal sunā paatā huuñ maiñ

merī kamī mahsūs na hone paa.e tujhe

kuchh aisā māhaul banā jaatā huuñ maiñ

tanhā.ī kī baat alag hai 'tarkash' jī

aur kisī ke haath nahīñ aatā huuñ maiñ

ghaur bhala kab un par farmata hun main

kuchh baaten to yun hi kah jata hun main

dil ke kaamon mein mera kuchh daKHl nahin

han mauqa' lagne par samjhata hun main

lauTna hota hai jab shahr-e-hasrat se

achchha-KHasa bojh uTha lata hun main

dekho kis ki sama'at karti hai ehsan

kis ko apna haal suna pata hun main

meri kami mahsus na hone pae tujhe

kuchh aisa mahaul bana jata hun main

tanhai ki baat alag hai 'tarkash' ji

aur kisi ke hath nahin aata hun main