غور سے دیکھ یار خطرہ ہے
غور سے دیکھ یار خطرہ ہے
عشق میں بے شمار خطرہ ہے
پھر وہی آپ کا یقیں ہم پر
پھر وہی اعتبار خطرہ ہے
ہر چمکتے ہوئے ستارے کا
جگنوؤں میں شمار خطرہ ہے
اتنی شدت سے دیکھنے والے
شدت اعتذار خطرہ ہے
کوئی نادان کو یہ سمجھائے
آپ اپنا شکار خطرہ ہے
اور کوئی نظر نہ آئے ہمیں
اس قدر خود سے پیار خطرہ ہے
صاف لفظوں میں کر بیاں جیوتیؔ
دل میں اٹھتا غبار خطرہ ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.