aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

غضب کیا ترے وعدے پہ اعتبار کیا

داغؔ دہلوی

غضب کیا ترے وعدے پہ اعتبار کیا

داغؔ دہلوی

MORE BYداغؔ دہلوی

    غضب کیا ترے وعدے پہ اعتبار کیا

    تمام رات قیامت کا انتظار کیا

    کسی طرح جو نہ اس بت نے اعتبار کیا

    مری وفا نے مجھے خوب شرمسار کیا

    ہنسا ہنسا کے شب وصل اشک بار کیا

    تسلیاں مجھے دے دے کے بے قرار کیا

    یہ کس نے جلوہ ہمارے سر مزار کیا

    کہ دل سے شور اٹھا ہائے بے قرار کیا

    سنا ہے تیغ کو قاتل نے آب دار کیا

    اگر یہ سچ ہے تو بے شبہ ہم پہ وار کیا

    نہ آئے راہ پہ وہ عجز بے شمار کیا

    شب وصال بھی میں نے تو انتظار کیا

    تجھے تو وعدۂ دیدار ہم سے کرنا تھا

    یہ کیا کیا کہ جہاں کو امیدوار کیا

    یہ دل کو تاب کہاں ہے کہ ہو مآل اندیش

    انہوں نے وعدہ کیا اس نے اعتبار کیا

    کہاں کا صبر کہ دم پر ہے بن گئی ظالم

    بہ تنگ آئے تو حال دل آشکار کیا

    تڑپ پھر اے دل ناداں کہ غیر کہتے ہیں

    اخیر کچھ نہ بنی صبر اختیار کیا

    ملے جو یار کی شوخی سے اس کی بے چینی

    تمام رات دل مضطرب کو پیار کیا

    بھلا بھلا کے جتایا ہے ان کو راز نہاں

    چھپا چھپا کے محبت کو آشکار کیا

    نہ اس کے دل سے مٹایا کہ صاف ہو جاتا

    صبا نے خاک پریشاں مرا غبار کیا

    ہم ایسے محو نظارہ نہ تھے جو ہوش آتا

    مگر تمہارے تغافل نے ہوشیار کیا

    ہمارے سینے میں جو رہ گئی تھی آتش ہجر

    شب وصال بھی اس کو نہ ہمکنار کیا

    رقیب و شیوۂ الفت خدا کی قدرت ہے

    وہ اور عشق بھلا تم نے اعتبار کیا

    زبان خار سے نکلی صدائے بسم اللہ

    جنوں کو جب سر شوریدہ پر سوار کیا

    تری نگہ کے تصور میں ہم نے اے قاتل

    لگا لگا کے گلے سے چھری کو پیار کیا

    غضب تھی کثرت محفل کہ میں نے دھوکہ میں

    ہزار بار رقیبوں کو ہمکنار کیا

    ہوا ہے کوئی مگر اس کا چاہنے والا

    کہ آسماں نے ترا شیوہ اختیار کیا

    نہ پوچھ دل کی حقیقت مگر یہ کہتے ہیں

    وہ بے قرار رہے جس نے بے قرار کیا

    جب ان کو طرز ستم آ گئے تو ہوش آیا

    برا ہو دل کا برے وقت ہوشیار کیا

    فسانۂ شب غم ان کو اک کہانی تھی

    کچھ اعتبار کیا کچھ نہ اعتبار کیا

    اسیری دل آشفتہ رنگ لا کے رہی

    تمام طرۂ طرار تار تار کیا

    کچھ آ گئی داور محشر سے ہے امید مجھے

    کچھ آپ نے مرے کہنے کا اعتبار کیا

    کسی کے عشق نہاں میں یہ بد گمانی تھی

    کہ ڈرتے ڈرتے خدا پر بھی آشکار کیا

    فلک سے طور قیامت کے بن نہ پڑتے تھے

    اخیر اب تجھے آشوب روزگار کیا

    وہ بات کر جو کبھی آسماں سے ہو نہ سکے

    ستم کیا تو بڑا تو نے افتخار کیا

    بنے گا مہر قیامت بھی ایک خال سیاہ

    جو چہرہ داغؔ سیہ رو نے آشکار کیا

    ویڈیو
    This video is playing from YouTube

    Videos
    This video is playing from YouTube

    طاہرہ سید

    طاہرہ سید

    محمد رفیع

    محمد رفیع

    مہدی حسن

    مہدی حسن

    فریدہ خانم

    فریدہ خانم

    محمد رفیع

    محمد رفیع

    RECITATIONS

    جاوید نسیم

    جاوید نسیم,

    جاوید نسیم

    غضب کیا ترے وعدے پہ اعتبار کیا جاوید نسیم

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے