ghazal ke parde mein be-parda KHwahishen likhna

Faza Ibn e Faizi

ghazal ke parde mein be-parda KHwahishen likhna

Faza Ibn e Faizi

MORE BYFaza Ibn e Faizi

    ġhazal ke parde meñ be-parda ḳhvāhisheñ likhnā

    na aayā ham ko barahana guzārisheñ likhnā

    tire jahāñ meñ huuñ be-sāya abr sūrat

    mire nasīb meñ be-abr bārisheñ likhnā

    hisāb-e-dard to yuuñ sab mirī nigāh meñ hai

    jo mujh pe ho na sakīñ vo navāzisheñ likhnā

    ḳharāsheñ chehre siine ke zaḳhm suukh chale

    kahāñ haiñ nāḳhun-e-yārāñ kāvisheñ likhnā

    ham ek chaak haiñ jo kūza-gar ke haath meñ hai

    hamārā kaam zamāne gardisheñ likhnā

    ba-rāh-e-rāst koī farz adā nahīñ hotā

    vahī sifārisheñ sunñā sifārisheñ likhnā

    huā na ye bhī salīqe se zindagī karte

    har ek saañs ko nākām koshisheñ likhnā

    kahāñ vo log jo the har taraf se nastālīq

    purānī baat huī chust bandisheñ likhnā

    hunar-varo zarā kuchh din ye turfagī bhī sahī

    hamāre lafzoñ ko ma.anī laġhzisheñ likhnā

    kabhī jo ḳhat use likhnā 'fazā' to rakhnā yaad

    mirī taraf se bhī kuchh nek ḳhvāhisheñ likhnā

    ghazal ke parde mein be-parda KHwahishen likhna

    na aaya hum ko barahana guzarishen likhna

    tere jahan mein hun be-saya abr ki surat

    mere nasib mein be-abr barishen likhna

    hisab-e-dard to yun sab meri nigah mein hai

    jo mujh pe ho na sakin wo nawazishen likhna

    KHarashen chehre ki sine ke zaKHm sukh chale

    kahan hain naKHun-e-yaran ki kawishen likhna

    hum ek chaak hain jo kuza-gar ke hath mein hai

    hamara kaam zamane ki gardishen likhna

    ba-rah-e-rast koi farz ada nahin hota

    wahi sifarishen sunna sifarishen likhna

    hua na ye bhi saliqe se zindagi karte

    har ek sans ko nakaam koshishen likhna

    kahan wo log jo the har taraf se nastaliq

    purani baat hui chust bandishen likhna

    hunar-waro zara kuchh din ye turfagi bhi sahi

    hamare lafzon ko mani ki laghzishen likhna

    kabhi jo KHat use likhna 'faza' to rakhna yaad

    meri taraf se bhi kuchh nek KHwahishen likhna

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY