ghar andhere mein raha tum se to aaya na gaya

ghar añdhere meñ rahā tum se to aayā na gayā

ham se bhī diip koī aur jalāyā na gayā

farq itnā hī nibhāne meñ hamāre hai bas

tum se aayā na gayā ham se to jaayā na gayā

aap karte bhī to kyā karte gila gulshan se

phuul to aap se bhī koī khilāyā na gayā

tum ne vā'de to ka.ī saare kiye the ham se

ek vā'da bhī magar tum se nibhāyā na gayā

ye to maanā ki banā lī hai ye duniyā tum ne

ghar to muflis kā magar tum se banāyā na gayā

ham ne siine se lagā.e to rakhā hai sab ko

dil kisī dil se magar ham se milāyā na gayā

terī duniyā meñ sazā.eñ hī milī haiñ ham ko

jurm kyā kuchh hai hamārā ye batāyā na gayā

ek bas terī havelī kī chamak kī ḳhātir

shahr saarā hī jalā kuchh bhī bachāyā na gayā

ghar andhere mein raha tum se to aaya na gaya

hum se bhi dip koi aur jalaya na gaya

farq itna hi nibhane mein hamare hai bas

tum se aaya na gaya hum se to jaya na gaya

aap karte bhi to kya karte gila gulshan se

phul to aap se bhi koi khilaya na gaya

tum ne wa'de to kai sare kiye the hum se

ek wa'da bhi magar tum se nibhaya na gaya

ye to mana ki bana li hai ye duniya tum ne

ghar to muflis ka magar tum se banaya na gaya

hum ne sine se lagae to rakha hai sab ko

dil kisi dil se magar hum se milaya na gaya

teri duniya mein sazaen hi mili hain hum ko

jurm kya kuchh hai hamara ye bataya na gaya

ek bas teri haweli ki chamak ki KHatir

shahr sara hi jala kuchh bhi bachaya na gaya