ghar banane mein tamam ahl-e-safar lag gae hain

Farhat Ehsas

ghar banane mein tamam ahl-e-safar lag gae hain

Farhat Ehsas

MORE BY Farhat Ehsas

    ghar banāne meñ tamām ahl-e-safar lag ga.e haiñ

    kyā tamāshe ye sar-e-rāhguzar lag ga.e haiñ

    toḌ kar band-e-qabā jism uḌā jaatā hai

    kaise is ḳhaak dīvār ko par lag ga.e haiñ

    sirf ik tujh se bichhaḌne nahīñ ḳhauf hameñ

    saath meñ ab ke ka.ī aur bhī Dar lag ga.e haiñ

    sabza-e-mutazir is darja numū ko pahuñchā

    dekh ham dar pe tire misl-e-shajar lag ga.e haiñ

    jashn-e-girya to kiyā thā mirī āñkhoñ ne shurūa

    saath ab shahr ke sab dīda-e-tar lag ga.e haiñ

    kaisī afvāh uḌī tujh se mire rishte

    sab tire chāhne vaale mire ghar lag ga.e haiñ

    husn to hai na.ī tarah se ātish-añgez

    aa.ine ko bhī na.e barq-o-sharar lag ga.e haiñ

    kārḳhāna hai usī husn aalam saarā

    bas jidhar us ne lagāyā hai udhar lag ga.e haiñ

    jis pādāsh meñ hai dar-ba-darī ye itaab

    phir usī kaam pe ham shahr-badar lag ga.e haiñ

    'farhat-ehsās' maiñ kyā dekhā jo us ke pīchhe

    āñkheñ dikhlāte hue ahl-e-nazar lag ga.e haiñ

    ghar banane mein tamam ahl-e-safar lag gae hain

    kya tamashe ye sar-e-rahguzar lag gae hain

    toD kar band-e-qaba jism uDa jata hai

    kaise is KHak ki diwar ko par lag gae hain

    sirf ek tujh se bichhaDne ka nahin KHauf hamein

    sath mein ab ke kai aur bhi Dar lag gae hain

    sabza-e-mutazir is darja numu ko pahuncha

    dekh hum dar pe tere misl-e-shajar lag gae hain

    jashn-e-girya to kiya tha meri aankhon ne shurua

    sath ab shahr ke sab dida-e-tar lag gae hain

    kaisi afwah uDi tujh se mere rishte ki

    sab tere chahne wale mere ghar lag gae hain

    husn to hai hi nai tarah se aatish-angez

    aaine ko bhi nae barq-o-sharar lag gae hain

    karKHana hai usi husn ka aalam sara

    bas jidhar us ne lagaya hai udhar lag gae hain

    jis ki padash mein hai dar-ba-dari ka ye itab

    phir usi kaam pe hum shahr-badar lag gae hain

    'farhat-ehsas' main kya dekha jo us ke pichhe

    aankhen dikhlate hue ahl-e-nazar lag gae hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites