ghar ghar hamein qayam bhi aae safar bhi aae

ghar ghar hameñ qayām bhī aa.e safar bhī aa.e

ham shaam shaam karte the aur shaam kar bhī aa.e

aisā to hai ki ghar ko chalā ghar bhī chal paḌā

aisā bhī kyā ki ghar ko chalūñ aur ghar bhī aa.e

tayyār rahnā chāhiye ai ḳhāk-e-ḳhāl-ḳhāl

jhoñkā udhar se chal paḌā shāyad idhar bhī aa.e

dīvār se 'azāb Talā kyā pata chalā

ek ishtihār ḳhālī kiyā ek bhar bhī aa.e

phir der ho rahī thī maiñ aa ke nikal gayā

kuchh duur tak to saath mire ḳhair-o-shar bhī aa.e

tārīḳh jānte haiñ magar mānte nahīñ

ham jab se dekhte haiñ vo tab se nazar bhī aa.e

ghar ghar hamein qayam bhi aae safar bhi aae

hum sham sham karte the aur sham kar bhi aae

aisa to hai ki ghar ko chala ghar bhi chal paDa

aisa bhi kya ki ghar ko chalun aur ghar bhi aae

tayyar rahna chahiye ai KHak-e-KHal-KHal

jhonka udhar se chal paDa shayad idhar bhi aae

diwar se 'azab Tala kya pata chala

ek ishtihaar KHali kiya ek bhar bhi aae

phir der ho rahi thi main aa ke nikal gaya

kuchh dur tak to sath mere KHair-o-shar bhi aae

tariKH jaante hain magar mante nahin

hum jab se dekhte hain wo tab se nazar bhi aae