ghar ko bhi kar diya virane mein shamil maine

ghar ko bhī kar diyā vīrāne meñ shāmil maiñ ne

zauq-e-vahshat ko mire vo bhī to kaafī na huā

na huā us pe bhī vo shoḳh vafā kā qaa.il

zulm hañs hañs ke sahe aur kabhī shākī na huā

duuñ kis ummīd pe ab jaan ki vo zulm-shi’ār

kūche meñ apne mire dafn pe raazī na huā

jis ne un mast-nigāhoñ se milā.īñ āñkheñ

phir vo minnat-kash-e-paimāna-e-sāqī na huā

baada gar ḳhuld meñ hai sab ke liye amr-e-mubāh

jis ne masjid meñ piyā vo bhī to aasī na huā

dil meñ jab hook uThī zabt-e-fuġhāñ kar na sakā

raaz is ghar kā jo thā mujh se vo maḳhfī na huā

'umr jis dasht meñ majnūñ ne guzārī apnī

vo mire zauq-e-junūñ ke liye kaafī na huā

ghar ko bhi kar diya virane mein shamil main ne

zauq-e-wahshat ko mere wo bhi to kafi na hua

na hua us pe bhi wo shoKH wafa ka qail

zulm hans hans ke sahe aur kabhi shaki na hua

dun kis ummid pe ab jaan ki wo zulm-shi’ar

kuche mein apne mere dafn pe raazi na hua

jis ne un mast-nigahon se milain aankhen

phir wo minnat-kash-e-paimana-e-saqi na hua

baada gar KHuld mein hai sab ke liye amr-e-mubah

jis ne masjid mein piya wo bhi to aasi na hua

dil mein jab hook uThi zabt-e-fughan kar na saka

raaz is ghar ka jo tha mujh se wo maKHfi na hua

'umr jis dasht mein majnun ne guzari apni

wo mere zauq-e-junun ke liye kafi na hua