ghar mein jab beTiyan nahin hongi

ghar meñ jab beTiyāñ nahīñ hoñgī

peḌ par Tahniyāñ nahīñ hoñgī

ġham se samjhautā kar liyā dil ne

ab yahāñ siskiyāñ nahīñ huuñ

maiñ ki daur-e-jadīd kī laḌkī

paañv meñ beḌiyāñ nahīñ hoñgī

vāpsī kā hai sochnā be-sūd

ab jalī kashtiyāñ nahīñ hoñgī

ab diyoñ ko bachānā vājib hai

āñdhiyāñ mehrbāñ nahīñ hoñgī

bārishoñ ke safar pe nikle ho

sar pe ab chhatriyāñ nahīñ hoñgī

ye musalsal raheñgī mere saath

hijr meñ chhuTTiyāñ nahīñ hoñgī

dast-o-bāzū banā hai bhaa.ī mirā

koshisheñ rā.egāñ nahīñ hoñgī

yā qalam TuuT jā.egā 'bilqīs'

yā mirī uñgliyāñ nahīñ hoñgī

ghar mein jab beTiyan nahin hongi

peD par Tahniyan nahin hongi

gham se samjhauta kar liya dil ne

ab yahan siskiyan nahin hun

main ki daur-e-jadid ki laDki

panw mein beDiyan nahin hongi

wapsi ka hai sochna be-sud

ab jali kashtiyan nahin hongi

ab diyon ko bachana wajib hai

aandhiyan mehrban nahin hongi

barishon ke safar pe nikle ho

sar pe ab chhatriyan nahin hongi

ye musalsal rahengi mere sath

hijr mein chhuTTiyan nahin hongi

dast-o-bazu bana hai bhai mera

koshishen raegan nahin hongi

ya qalam TuT jaega 'bilqis'

ya meri ungliyan nahin hongi