ghar se ghar guzra gali mein se gali jaane lagi

ghar se ghar guzrā galī meñ se galī jaane lagī

aadmī kī phir kamī mahsūs kī jaane lagī

maiñ to jaise is kināre hī kā ho kar rah gayā

tum se achchhā to mujhe ye lahr pī jaane lagī

ye bichhaunā ḳhaak kā ye oḌhnī aflāk kī

kam se kam ye to huā karvaT sahī jaane lagī

āḳhir āḳhir kitne sīdhe ho ga.e hadd-o-hisāb

jo ghaḌī aane lagī vāpas vahī jaane lagī

nusḳha achchhā thā so maiñ bhī kaisā achchhā ho gayā

ghūñT ghūñT ik aañkh merā zahr pī jaane lagī

ār-pār ab aur kyā is raat meñ khul kheliye

raushnī aane lagī aur raushnī jaane lagī

ghar se ghar guzra gali mein se gali jaane lagi

aadmi ki phir kami mahsus ki jaane lagi

main to jaise is kinare hi ka ho kar rah gaya

tum se achchha to mujhe ye lahr pi jaane lagi

ye bichhauna KHak ka ye oDhni aflak ki

kam se kam ye to hua karwaT sahi jaane lagi

aaKHir aaKHir kitne sidhe ho gae hadd-o-hisab

jo ghaDi aane lagi wapas wahi jaane lagi

nusKHa achchha tha so main bhi kaisa achchha ho gaya

ghunT ghunT ek aankh mera zahr pi jaane lagi

aar-par ab aur kya is raat mein khul kheliye

raushni aane lagi aur raushni jaane lagi