giton se jab bhar jata hun gane lagta hun
gītoñ se jab bhar jaatā huuñ gaane lagtā huuñ
dīvāroñ se apnā sar Takrāne lagtā huuñ
kāñToñ kā malbūs pahan kar aatā huuñ bāhar
aur miTTī par apne phuul banāne lagtā huuñ
saarī raat bunā kartā huuñ ek sunahrā jaal
sub.h ke hote hote jaal bichhāne lagtā huuñ
apne hī bachchoñ kī chīḳheñ kaan meñ aatī haiñ
jab bhī kisī bastī ko aag lagāne lagtā huuñ
vo bhī thak kar gir jaatī hai mere baazū par
rafta-rafta maiñ bhī hosh meñ aane lagtā huuñ
pahle us ke naam ko likh kar taktā huuñ pahroñ
phir us aag se apne zaḳhm jalāne lagtā huuñ
giton se jab bhar jata hun gane lagta hun
diwaron se apna sar Takrane lagta hun
kanTon ka malbus pahan kar aata hun bahar
aur miTTi par apne phul banane lagta hun
sari raat buna karta hun ek sunahra jal
subh ke hote hote jal bichhane lagta hun
apne hi bachchon ki chiKHen kan mein aati hain
jab bhi kisi basti ko aag lagane lagta hun
wo bhi thak kar gir jati hai mere bazu par
rafta-rafta main bhi hosh mein aane lagta hun
pahle us ke nam ko likh kar takta hun pahron
phir us aag se apne zaKHm jalane lagta hun
- Book : Mitti Ki Sundarta Dekho (Pg. 35)
- Author : Sarvat Husain
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
