girah jo kaam mein Dale hai panja-e-taqdir

girah jo kaam meñ Daale hai panjā-e-taqdīr

majāl kyā ki khule vo ba-nāḳhun-e-tadbīr

dilā taḌaph ke tū niklā paḌe hai siine se

ye ghar ujaaḌ na ai ghar base pakaḌ Tuk dhiir

shab-e-firāq meñ jānāñ kī maiñ rahā jiitā

ki saḳht-jān hai mujh ko hijāb dāman-gīr

lab us ke dekho to hai zulm-o-ḳhūñ ḳhurī kī dalīl

siyah misī pe nahīñ surḳh paan kī tahrīr

ye pheñk tīr-e-nigah jī se maar Dāleñ haiñ

batāo kar sake be-jāñ sitam kī kyā taqrīr

Tuk aañkh uThā ke jo dekhā nazar se de paTkā

na thī ye 'azfarī' itnī gunāh kī ta.azīr

girah jo kaam mein Dale hai panja-e-taqdir

majal kya ki khule wo ba-naKHun-e-tadbir

dila taDaph ke tu nikla paDe hai sine se

ye ghar ujaD na ai ghar base pakaD Tuk dhir

shab-e-firaq mein jaanan ki main raha jita

ki saKHt-jaan hai mujh ko hijab daman-gir

lab us ke dekho to hai zulm-o-KHun KHuri ki dalil

siyah misi pe nahin surKH pan ki tahrir

ye phenk tir-e-nigah ji se mar Dalen hain

batao kar sake be-jaan sitam ki kya taqrir

Tuk aankh uTha ke jo dekha nazar se de paTka

na thi ye 'azfari' itni gunah ki tazir