گریباں چاک کر لے ہوش سے بیگانہ ہو جائے

گریباں چاک کر لے ہوش سے بیگانہ ہو جائے

بھروسہ کچھ نہیں کب آدمی دیوانہ ہو جائے

خدا محفوظ رکھے ان خمار آلودہ آنکھوں سے

یہ جس مے خوار کو دیکھیں وہی مستانہ ہو جائے

مزہ جب ہے تمہارے عشق میں یہ زندگی اپنی

جلے اتنی کے جل کر صورت پروانہ ہو جائے

خدا نے ان کی آنکھوں میں عجب تاثیر بخشی ہے

وہ جس پر اک نظر ڈالے وہی دیوانہ ہو جائے

تمہاری بزم میں فرمانؔ کی تو کیا حقیقت ہے

جو آ جائے وہ اپنی ذات سے بیگانہ ہو جائے