gore gore chāñd se muñh par kaalī kaalī āñkheñ haiñ
dekh ke jin ko niiñd aa jaa.e vo matvālī āñkheñ haiñ
muñh se pallā kyā sarkānā is bādal meñ bijlī hai
sūjhtī hai aisī hī nahīñ jo phūTne vaalī āñkheñ haiñ
chaah ne andhā kar rakkhā hai aur nahīñ to dekhne meñ
āñkheñ āñkheñ sab haiñ barābar kaun nirālī āñkheñ haiñ
be jis ke andher hai sab kuchh aisī baat hai us meñ kyā
jī kā hai ye bāvlā-pan yā bholī-bhālī āñkheñ haiñ
'ārzū' ab bhī khoTe khare ko kar ke alag hī rakh deñgī
un kī parakh kā kyā kahnā hai jo Teksālī āñkheñ haiñ
gore gore chand se munh par kali kali aankhen hain
dekh ke jin ko nind aa jae wo matwali aankhen hain
munh se palla kya sarkana is baadal mein bijli hai
sujhti hai aisi hi nahin jo phuTne wali aankhen hain
chah ne andha kar rakkha hai aur nahin to dekhne mein
aankhen aankhen sab hain barabar kaun nirali aankhen hain
be jis ke andher hai sab kuchh aisi baat hai us mein kya
ji ka hai ye bawla-pan ya bholi-bhaali aankhen hain
'arzu' ab bhi khoTe khare ko kar ke alag hi rakh dengi
un ki parakh ka kya kahna hai jo Teksali aankhen hain
Source:
Karwaan-e-Ghazal (Pg. 37)
-
Author:
Farooq Argali
-
- Edition: 2004
- Publisher: Farid Book Depot (Pvt.) Ltd
- Year of Publication: 2004
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
