ghubar-e-dard se sara badan aTa nikla

Abdul Hafiz Naeemi

ghubar-e-dard se sara badan aTa nikla

Abdul Hafiz Naeemi

MORE BYAbdul Hafiz Naeemi

    ġhubār-e-dard se saarā badan aTā niklā

    jise bhī ḳhanda-ba-lab dekhā ġham-zadā niklā

    ab ehtiyāt bhī aur kyā ho be-libās to huuñ

    ik āstīn se maanā ki azhdahā niklā

    mire ḳhulūs pe shak to koī vaj.h nahīñ

    mire libās meñ ḳhanjar agar chhupā niklā

    lagā jo piiTh meñ neza to samjhe dushman hai

    magar palaT ke jo dekhā to āshnā niklā

    mire lahū se hai rañgīñ jabīn-e-sub.h to kyā

    chalo ki zulmat-e-shab to hauslā niklā

    ye haath raakh meñ ḳhvāboñ Dālte to ho

    magar jo raakh meñ shola koī dabā niklā

    sunā thā hadd-e-tabassum hai āñsuoñ se qarīb

    baḌhe jo aage to barsoñ fāslā niklā

    vo ek harf-e-tamannā jo kahte Darte the

    zabāñ pe aayā to un mudda.ā niklā

    kulāh kaj kiye din bhar jo shaḳhs phirtā thā

    galī meñ shaam ko dekhā to vo gadā niklā

    tulū sub.h 'na.īmī' jahāñ se honī thī

    usī ufuq se andheroñ silsilā niklā

    ghubar-e-dard se sara badan aTa nikla

    jise bhi KHanda-ba-lab dekha gham-zada nikla

    ab ehtiyat bhi aur kya ho be-libas to hun

    ek aastin se mana ki azhdaha nikla

    mere KHulus pe shak ki to koi wajh nahin

    mere libas mein KHanjar agar chhupa nikla

    laga jo piTh mein neza to samjhe dushman hai

    magar palaT ke jo dekha to aashna nikla

    mere lahu se hai rangin jabin-e-subh to kya

    chalo ki zulmat-e-shab ka to hausla nikla

    ye hath rakh mein KHwabon ki Dalte to ho

    magar jo rakh mein shola koi daba nikla

    suna tha hadd-e-tabassum hai aansuon se qarib

    baDhe jo aage to barson ka fasla nikla

    wo ek harf-e-tamanna jo kahte Darte the

    zaban pe aaya to un ka hi muddaa nikla

    kulah kaj kiye din bhar jo shaKHs phirta tha

    gali mein sham ko dekha to wo gada nikla

    tulu subh 'naimi' jahan se honi thi

    usi ufuq se andheron ka silsila nikla

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY