gul hain to aap apni hi KHushbu mein sochiye

Zafar Sahbai

gul hain to aap apni hi KHushbu mein sochiye

Zafar Sahbai

MORE BY Zafar Sahbai

    gul haiñ to aap apnī ḳhushbū meñ sochiye

    jo kuchh bhī sochnā hai vo urdu meñ sochiye

    dil meñ agar nahīñ hai kisī zaḳhm numūd

    surḳhī kahāñ se aa ga.ī aañsū meñ sochiye

    ye mas.ala nahīñ ki jaleñge kahāñ charāġh

    kaise havā.eñ ā.eñgī qaabū meñ sochiye

    yuuñ sarsarī guzariye na us dasht-e-karb se

    vahshat ki iztirāb hai aahū meñ sochiye

    kuchh to ḳhabar nikāliye kaise lagā ye rog

    kyuuñ Dhal rahā hai aadmī vastū meñ sochiye

    aap ne jo pursish-e-ahvāl shukriyā

    ham kaise hoñge saltanat-e-hū meñ sochiye

    ḳhud pūchhtī hai aap se tanhā.ī aap

    mahtāb kyuuñ hai raat ke pahlū meñ sochiye

    vo jis qurb aap ko milnā muhāl ho

    kyā ho jo baiTh jaa.e vo baazū meñ sochiye

    gul hain to aap apni hi KHushbu mein sochiye

    jo kuchh bhi sochna hai wo urdu mein sochiye

    dil mein agar nahin hai kisi zaKHm ki numud

    surKHi kahan se aa gai aansu mein sochiye

    ye masala nahin ki jalenge kahan charagh

    kaise hawaen aaengi qabu mein sochiye

    yun sarsari guzariye na us dasht-e-karb se

    wahshat ki iztirab hai aahu mein sochiye

    kuchh to KHabar nikaliye kaise laga ye rog

    kyun Dhal raha hai aadmi wastu mein sochiye

    ki aap ne jo pursish-e-ahwal shukriya

    hum kaise honge saltanat-e-hu mein sochiye

    KHud puchhti hai aap se tanhai aap ki

    mahtab kyun hai raat ke pahlu mein sochiye

    wo jis ka qurb aap ko milna muhaal ho

    kya ho jo baiTh jae wo bazu mein sochiye

    Source:

    • Book : aatish zer pa (Pg. 25)
    • Author : zafar sehbai
    • Publication : zafar sehbai Bhopal (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY