gul ke hone ki tawaqqo pe jiye baiThi hai
gul ke hone kī tavaqqo pe jiye baiThī hai
har kalī jaan ko muTThī meñ liye baiThī hai
kabhī sayyād kā khaTkā hai kabhī ḳhauf-e-ḳhizāñ
bulbul ab jaan hathelī pe liye baiThī hai
tīr-o-shamshīr se baḌh kar hai tirī tirchhī nigāh
saikḌoñ āshiqoñ kā ḳhuun kiye baiThī hai
tere ruḳhsār se tashbīh use duuñ kyūñkar
sham.a to charbī ko āñkhoñ meñ diye baiThī hai
tishna-lab kyuuñ rahe ai sāqī-e-kausar 'chandā'
ye tire jām-e-mohabbat ko piye baiThī hai
gul ke hone ki tawaqqo pe jiye baiThi hai
har kali jaan ko muTThi mein liye baiThi hai
kabhi sayyaad ka khaTka hai kabhi KHauf-e-KHizan
bulbul ab jaan hatheli pe liye baiThi hai
tir-o-shamshir se baDh kar hai teri tirchhi nigah
saikDon aashiqon ka KHun kiye baiThi hai
tere ruKHsar se tashbih use dun kyunkar
shama to charbi ko aankhon mein diye baiThi hai
tishna-lab kyun rahe ai saqi-e-kausar 'chanda'
ye tere jam-e-mohabbat ko piye baiThi hai
Source:
Ghazal Usne Chhedi(2) (Pg. 146)
- Author: Farhat Ehsas
-
- Edition: 2017
- Publisher: Rekhta Books
- Year of Publication: 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
