gulon ke chehra-e-rangin pe wo nikhaar nahin

Faizi Nizam Puri

gulon ke chehra-e-rangin pe wo nikhaar nahin

Faizi Nizam Puri

MORE BYFaizi Nizam Puri

    guloñ ke chehra-e-rañgīñ pe vo nikhār nahīñ

    bahār aa.ī magar ālam-e-bahār nahīñ

    jo haath aatā hai dāman to chhoḌ detā huuñ

    junūñ-navāz abhī mausam-e-bahār nahīñ

    kisī yaad aalam na pūchhiye mujh se

    kabhī qarār hai dil ko kabhī qarār nahīñ

    ye bāñkpan ye adā ye shabāb aalam

    tum aa ga.e to kisī ab intizār nahīñ

    bahār par bhī ḳhizāñ rañg ġhālib hai

    havā zamāne gulshan ko sāzgār nahīñ

    hamāre sāmne vo haiñ kahīñ ye ḳhvāb na ho

    ab apnī āñkhoñ pe bhī ham ko e.atibār nahīñ

    ḳhud aa ga.e haiñ simaT kar nigāh meñ jalve

    visāl-e-dost hai ye rañj-e-intizār nahīñ

    mirā mazāq uḌātā hai ā.īna lekin

    mirī haqīqat-e-ġham us pe āshkār nahīñ

    hamārī ābla-pā.ī faiz kyā kahiye

    vo kaun hai bayābāñ jo lāla-zār nahīñ

    butoñ ko puuj rahā hai tire tasavvur meñ

    gunāh kar ke bhī 'faizī' gunāhgār nahīñ

    gulon ke chehra-e-rangin pe wo nikhaar nahin

    bahaar aai magar aalam-e-bahaar nahin

    jo hath aata hai daman to chhoD deta hun

    junun-nawaz abhi mausam-e-bahaar nahin

    kisi ki yaad ka aalam na puchhiye mujh se

    kabhi qarar hai dil ko kabhi qarar nahin

    ye bankpan ye ada ye shabab ka aalam

    tum aa gae to kisi ka ab intizar nahin

    bahaar par bhi KHizan hi ka rang ghaalib hai

    hawa zamane ki gulshan ko sazgar nahin

    hamare samne wo hain kahin ye KHwab na ho

    ab apni aankhon pe bhi hum ko eatibar nahin

    KHud aa gae hain simaT kar nigah mein jalwe

    visal-e-dost hai ye ranj-e-intizar nahin

    mera mazaq uData hai aaina lekin

    meri haqiqat-e-gham us pe aashkar nahin

    hamari aabla-pai ka faiz kya kahiye

    wo kaun sa hai bayaban jo lala-zar nahin

    buton ko puj raha hai tere tasawwur mein

    gunah kar ke bhi 'faizi' gunahgar nahin

    Source:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY