gulon ke sath ajal ke payam bhi aae

Taban Ghulam Rabbani

gulon ke sath ajal ke payam bhi aae

Taban Ghulam Rabbani

MORE BY Taban Ghulam Rabbani

    guloñ ke saath ajal ke payām bhī aa.e

    bahār aa.ī to gulshan meñ daam bhī aa.e

    hamīñ na kar sake tajdīd-e-ārzū varna

    hazār baar kisī ke payām bhī aa.e

    chalā na kaam agarche ba-zom-e-rāhbarī

    janāb-e-ḳhizr alaihis-salām bhī aa.e

    jo tishna-e-kām-e-azal the vo tishna-kām rahe

    hazār daur meñ miinā o jaam bhī aa.e

    baḌe baḌoñ ke qadam Dagmagā ga.e 'tābāñ'

    rah-e-hayāt meñ aise maqām bhī aa.e

    gulon ke sath ajal ke payam bhi aae

    bahaar aai to gulshan mein dam bhi aae

    hamin na kar sake tajdid-e-arzu warna

    hazar bar kisi ke payam bhi aae

    chala na kaam agarche ba-zom-e-rahbari

    janab-e-KHizr alaihis-salam bhi aae

    jo tishna-e-kaam-e-azal the wo tishna-kaam rahe

    hazar daur mein mina o jam bhi aae

    baDe baDon ke qadam Dagmaga gae 'taban'

    rah-e-hayat mein aise maqam bhi aae

    RECITATIONS

    Nomaan Shauque

    Nomaan Shauque

    Nomaan Shauque

    gulon ke sath ajal ke payam bhi aae Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY