gum-shuda mausam ka aankhon mein koi sapna sa tha
gum-shuda mausam kā āñkhoñ meñ koī sapnā sā thā
bādaloñ ke uḌte TukḌoñ meñ tirā chehrā sā thā
phir kabhī mil jaa.e shāyad zindagī kī bhiiḌ meñ
jis kī bāteñ pyārī thiiñ aur naam kuchh achchhā sā thā
jāñ-ba-lab hone lagā hai pyaas kī shiddat se vo
ḳhushk registān meñ ik shaḳhs jo dariyā sā thā
ghir gayā hai ab to sho.aloñ meñ mirā saarā vajūd
us kī yādeñ thiiñ to sar par ik ḳhunuk saayā sā thā
us ne achchhā hī kiyā rishtoñ ke dhāge toḌ kar
maiñ bhī kuchh uktā gayā thā vo bhī kuchh uubā sā thā
shahr kī ek ek shai apnī jagah par hai 'nazar'
kyā huā vo aadmī kuchh kuchh jo dīvānā sā thā
gum-shuda mausam ka aankhon mein koi sapna sa tha
baadalon ke uDte TukDon mein tera chehra sa tha
phir kabhi mil jae shayad zindagi ki bhiD mein
jis ki baaten pyari thin aur nam kuchh achchha sa tha
jaan-ba-lab hone laga hai pyas ki shiddat se wo
KHushk registan mein ek shaKHs jo dariya sa tha
ghir gaya hai ab to shoalon mein mera sara wajud
us ki yaaden thin to sar par ek KHunuk saya sa tha
us ne achchha hi kiya rishton ke dhage toD kar
main bhi kuchh ukta gaya tha wo bhi kuchh uba sa tha
shahr ki ek ek shai apni jagah par hai 'nazar'
kya hua wo aadmi kuchh kuchh jo diwana sa tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
