haal aankhon ka hai wo KHwab ki arzani mein
haal āñkhoñ kā hai vo ḳhvāb kī arzānī meñ
chāñd ko dekhtī rahtī haiñ pareshānī meñ
tere dīdār meñ ḳhud-bīnī kā 'ālam hai 'ajab
is tarah mar nahīñ jaatā koī hairānī meñ
saarā 'ālam isī buniyād pe rakkhā gayā hai
chāñd kab chāñd-sā rahtā hai vahī paanī meñ
ek maujūd kī nisbat se hai ye saarā vujūd
kisī avval kā nahīñ koī nishāñ saanī meñ
jis junūñ ko maiñ nibhātā huuñ qabā meñ rah kar
us kī tā'bīr kahāñ chāk-garebānī meñ
mujh ko lagtā thā tirī samt meñ hai merā safar
dekhtā huuñ maiñ kahāñ aa gayā be-dhyānī meñ
us ko bhī zid thī mujhe aa.ina karne kī bahut
ab vo khoyā na gayā apnī farāvānī meñ
haal aankhon ka hai wo KHwab ki arzani mein
chand ko dekhti rahti hain pareshani mein
tere didar mein KHud-bini ka 'alam hai 'ajab
is tarah mar nahin jata koi hairani mein
sara 'alam isi buniyaad pe rakkha gaya hai
chand kab chand-sa rahta hai wahi pani mein
ek maujud ki nisbat se hai ye sara wujud
kisi awwal ka nahin koi nishan sani mein
jis junun ko main nibhata hun qaba mein rah kar
us ki ta'bir kahan chaak-garebani mein
mujh ko lagta tha teri samt mein hai mera safar
dekhta hun main kahan aa gaya be-dhyani mein
us ko bhi zid thi mujhe aaina karne ki bahut
ab wo khoya na gaya apni farawani mein
- Book : Maujood Ki Nisbat Se (Pg. 100)
- Author : Mahendra Kumar Sani
- Publication : Rekhta Publications (2019)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
