حال دل کا اسے جتانا کیا
حال دل کا اسے جتانا کیا
نہ سنے جو اسے سنانا کیا
آئے جب آگے ایسے ظالم کے
جور گردوں سے منہ چھپانا کیا
ہم سے چلتا ہے ٹیڑھ کی اے لو
ہو گیا ہے فلک دوانا کیا
سرفروشوں کی ہے یہ عین مراد
کوئے قاتل میں جا کے آنا کیا
پوچھتے کیا ہو مسکن عاشق
بے گھروں کا اجی ٹھکانا کیا
جان و دل لے کے اب خفا ہے کیوں
ہم نے کہنا ترا نہ مانا کیا
دل خود رفتہ کا علاج کرے
کوئی نادان اور دانا کیا
لے کے دل جو کہ دشمن جاں ہو
عیشؔ ایسے سے دل لگانا کیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
