hath mein le ke na KHanjar baiThiye

haath meñ le ke na ḳhanjar baiThiye

qatl karnā hai to bas kar baiThiye

baar dar tak bhī nahīñ aur shauq ye

bazm meñ un ke barābar baiThiye

uThiye ai shor-e-fuġhāñ par is tarah

naqsh kī mānind dil par baiThiye

ho chukī tāzīm dushman kī kahīñ

ai ziyārat-gāh-e-mahshar baiThiye

zo.af taarī ho to kyuuñ kar loTiye

jaan muztar ho to kyuuñ kar baiThiye

ye koī daftar nahīñ sun lījiye

hāl-e-dil kahtā huuñ dam-bhar baiThiye

hazrat-e-dil kūcha-e-qātil kā azm

roī.egā sar pakaḌ kar baiThiye

ro.e jañgal meñ bahut ab jī meñ hai

ghar biThāne ke liye ghar baiThiye

khīñch maarā ek patthar baat meñ

us sanam ke paas patthar baiThiye

ḳhaak chhānī ishq meñ 'sālik' bahut

pīr-o-murshid koī din ghar baiThiye

hath mein le ke na KHanjar baiThiye

qatl karna hai to bas kar baiThiye

bar dar tak bhi nahin aur shauq ye

bazm mein un ke barabar baiThiye

uThiye ai shor-e-fughan par is tarah

naqsh ki manind dil par baiThiye

ho chuki tazim dushman ki kahin

ai ziyarat-gah-e-mahshar baiThiye

zoaf tari ho to kyun kar loTiye

jaan muztar ho to kyun kar baiThiye

ye koi daftar nahin sun lijiye

haal-e-dil kahta hun dam-bhar baiThiye

hazrat-e-dil kucha-e-qatil ka azm

roiega sar pakaD kar baiThiye

roe jangal mein bahut ab ji mein hai

ghar biThane ke liye ghar baiThiye

khinch mara ek patthar baat mein

us sanam ke pas patthar baiThiye

KHak chhani ishq mein 'salik' bahut

pir-o-murshid koi din ghar baiThiye