hath uThata hun main ab dua ke liye
haath uThātā huuñ maiñ ab duā ke liye
tum bhī āmīn kahnā ḳhudā ke liye
mujh ko is nīm-jāñ dil pe hairat hai jo
zindagī chāhtā hai ḳhatā ke liye
āfateñ jis qadar ho sakīñ baḳhsh do
vaqf hai dil mirā har balā ke liye
mujh tak aane meñ zahmat na ho laao maiñ
raah hamvār kar duuñ qazā ke liye
naql-e-fariyād se merī kyā fā.eda
kuchh asar bhī ho dil kī sadā ke liye
ibtidā ġham kī jab ban ga.ī zindagī
mujh ko marnā paḌā intihā ke liye
'shauq' un ke sitam kī latāfat na pūchh
dil taḌaptā hai ab tak jafā ke liye
hath uThata hun main ab dua ke liye
tum bhi aamin kahna KHuda ke liye
mujh ko is nim-jaan dil pe hairat hai jo
zindagi chahta hai KHata ke liye
aafaten jis qadar ho sakin baKHsh do
waqf hai dil mera har bala ke liye
mujh tak aane mein zahmat na ho lao main
rah hamwar kar dun qaza ke liye
naql-e-fariyaad se meri kya faeda
kuchh asar bhi ho dil ki sada ke liye
ibtida gham ki jab ban gai zindagi
mujh ko marna paDa intiha ke liye
'shauq' un ke sitam ki latafat na puchh
dil taDapta hai ab tak jafa ke liye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
