hadaf hun dushman-e-jaan ki nazar mein rahta hun
hadaf huuñ dushman-e-jāñ kī nazar meñ rahtā huuñ
kise ḳhabar hai qafas meñ ki ghar meñ rahtā huuñ
idhar-udhar ke kināre mujhe bulāte haiñ
magar maiñ apnī ḳhushī se bhañvar meñ rahtā huuñ
na maiñ zamīñ huuñ na tū āftāb hai phir bhī
tire tavāf kī ḳhātir safar meñ rahtā huuñ
maiñ sāya-dār nahīñ is ke bāvajūd ye dekh
pahan ke dhuup tirī rahguzar meñ rahtā huuñ
ye kaisī chiḌh hai mujhe tīrgī ke aalam se
ki maiñ charāġh huuñ lekin sahar meñ rahtā huuñ
mujhe ġharaz hai faqat us kī istaqāmat se
bahār ho ki ḳhizāñ maiñ shajar meñ rahtā huuñ
mujhe shanāḳht karo mere shāhkāroñ meñ
maiñ ḳhāl-o-ḳhat se ziyāda hunar meñ rahtā huuñ
hadaf hun dushman-e-jaan ki nazar mein rahta hun
kise KHabar hai qafas mein ki ghar mein rahta hun
idhar-udhar ke kinare mujhe bulate hain
magar main apni KHushi se bhanwar mein rahta hun
na main zamin hun na tu aaftab hai phir bhi
tere tawaf ki KHatir safar mein rahta hun
main saya-dar nahin is ke bawajud ye dekh
pahan ke dhup teri rahguzar mein rahta hun
ye kaisi chiDh hai mujhe tirgi ke aalam se
ki main charagh hun lekin sahar mein rahta hun
mujhe gharaz hai faqat us ki istaqamat se
bahaar ho ki KHizan main shajar mein rahta hun
mujhe shanaKHt karo mere shahkaron mein
main KHal-o-KHat se ziyaada hunar mein rahta hun
Source:
Rooh-e-Ghazal,Pachas Sala Intekhab (Pg. 766)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
