hai ab to hasinaon ka halqa mere aage

hai ab to hasīnāoñ kā halqa mire aage

salmā mire pīchhe hai zuleḳhā mere aage

biivī ke liye kyā koī qānūn nahīñ hai

hotā hai shab-o-roz tamāsha mire aage

har bhāñt kī 'aurat hai mire ḳhvāb kī tā'bīr

Tun-Tun mire pīchhe hai to rekhā mire aage

ab bach ke kahāñ jā.iye har samt hai dīvār

biivī mire pīchhe hai to bachcha mire aage

be-parda vo college meñ to phirtī haiñ barābar

oḌhā mire mahbūb ne burqa mire aage

dhanvān hai sasurāl yahī merī sazā hai

har vaqt hī biivī kā hai DanDā mire aage

kyoñ mujh ko ministry se haTāne pe tule ho

rahne do abhī sāġhar-o-mīnā mire aage

khā khā ke davā.eñ maiñ javāñ rahtā huuñ har-dam

lagtā hai mirā laḌkā bhī abbā mire aage

das bachchoñ ke abbā haiñ magar hai yahī ḳhvāhish

har vaqt hī baiThī rahe lailā mire aage

maiñ ab ke election meñ gañvā baiThā zamānat

Duubā mirī qismat kā sitāra mire aage

ab vo bhī to kahne lage mujh ko 'nazar' uncle

niklā hai murādoñ kā janāza mire aage

hai ab to hasinaon ka halqa mere aage

salma mere pichhe hai zuleKHa mere aage

biwi ke liye kya koi qanun nahin hai

hota hai shab-o-roz tamasha mere aage

har bhant ki 'aurat hai mere KHwab ki ta'bir

Tun-Tun mere pichhe hai to rekha mere aage

ab bach ke kahan jaiye har samt hai diwar

biwi mere pichhe hai to bachcha mere aage

be-parda wo college mein to phirti hain barabar

oDha mere mahbub ne burqa mere aage

dhanwan hai sasural yahi meri saza hai

har waqt hi biwi ka hai DanDa mere aage

kyon mujh ko ministry se haTane pe tule ho

rahne do abhi saghar-o-mina mere aage

kha kha ke dawaen main jawan rahta hun har-dam

lagta hai mera laDka bhi abba mere aage

das bachchon ke abba hain magar hai yahi KHwahish

har waqt hi baiThi rahe laila mere aage

main ab ke election mein ganwa baiTha zamanat

Duba meri qismat ka sitara mere aage

ab wo bhi to kahne lage mujh ko 'nazar' uncle

nikla hai muradon ka janaza mere aage