hai faqat yahi fasana meri umr-e-muKHtasar ka

hai faqat yahī fasāna mirī 'umr-e-muḳhtasar kā

mirī kyā bisāt-e-hastī huuñ charāġh raat bhar kā

baḌī hausle se khelī huuñ ye zindagī kī baazī

mujhe kyā miTā sakegā koī ġham idhar-udhar kā

mire sīna-e-jahāñ ko mire ġham ne phūñk Daalā

mirā ghar jalāyā jis ne vo charāġh bhī thā ghar kā

mujhe raas hī na aa.e mire nīm-shab ke sajde

mujhe dekh lo nishāñ huuñ maiñ du’ā-e-be-asar kā

jo bahār-e-gulsitāñ meñ yūñhī ban sañvar ke niklīñ

ye batāo mujh ko 'mariyam' ki hai qasd ab kidhar kā

hai faqat yahi fasana meri 'umr-e-muKHtasar ka

meri kya bisat-e-hasti hun charagh raat bhar ka

baDi hausle se kheli hun ye zindagi ki bazi

mujhe kya miTa sakega koi gham idhar-udhar ka

mere sina-e-jahan ko mere gham ne phunk Dala

mera ghar jalaya jis ne wo charagh bhi tha ghar ka

mujhe ras hi na aae mere nim-shab ke sajde

mujhe dekh lo nishan hun main du’a-e-be-asar ka

jo bahaar-e-gulsitan mein yunhi ban sanwar ke niklin

ye batao mujh ko 'mariyam' ki hai qasd ab kidhar ka