aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

ہے مرا تار نفس تار قفس

میر کلو عرش

ہے مرا تار نفس تار قفس

میر کلو عرش

MORE BYمیر کلو عرش

    ہے مرا تار نفس تار قفس

    رشتہ برپا ہوں گرفتار قفس

    مرغ دل کو ذبح اے صیاد کر

    اور طائر ہیں سزا‌وار قفس

    شوق بلبل کو اسیری کا جو ہو

    ہو زر گل سے خریدار قفس

    کیوں نہ میں رنگیں‌ بیاں ہوں قید رنج

    مرغ خوش‌ خواں ہے سزاوار قفس

    زندگی سے قید میں بھی ہوں سبک

    گاہ بار دام گہہ بار قفس

    مجھ سا بلبل قید ہو کر چھوٹ جائے

    سو گئے کیا بخت بیدار‌ قفس

    چشم عالم میں اسیر دام ہے

    روح ہے تن میں سزاوار قفس

    پھاند کر آیا تھا دیوار چمن

    پھاند جاؤں کیوں کہ دیوار قفس

    کیا ہے داغ خون بلبل کی بہار

    دیکھ اے صیاد گلزار قفس

    کب کسی بلبل کو ملتا ہے گلاب

    خون دل پیتا ہے بیمار قفس

    ذبح کرنے کو اتارا نخل سے

    سر مرا تھا پائے‌ رفتار قفس

    پوچھتا ہے کیا دل بلبل کا حال

    دیکھ ظالم جسم افگار قفس

    اشک کو ہے دام گیسو کی تلاش

    طفل ہوتا ہے خریدار قفس

    تا بہ کے ہوگا اسیر دام فکر

    عرشؔ کر موقوف اشعار قفس

    مأخذ:

    Deewan-e-Arsh (Pg. ebook-108 page-109)

    • مصنف: میر کلو عرش
      • اشاعت: 1987
      • ناشر: انجمن ترقی اردو (ہند)، دہلی
      • سن اشاعت: 1987

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے