hai muft dil ki qimat agar ek nazar mile

Mufti Sadruddin Aazurda

hai muft dil ki qimat agar ek nazar mile

Mufti Sadruddin Aazurda

MORE BYMufti Sadruddin Aazurda

    hai muft dil qīmat agar ik nazar mile

    ye vo matā.a hai ki na leñ muft agar mile

    insāf kar ki lā.ūñ maiñ phir kaun vo din

    mahshar ke roz bhī na jo dād-e-jigar mile

    parvāna-vār hai had-e-parvāz sho.ala tak

    jalne ke liye mujhe ye bāl-o-par mile

    aane se ḳhat ke jaate rahe vo bigāḌ sab

    ban aa.ī ab to hazrat-e-dil lo ḳhizr mile

    kyā shukr maqām hai marne jaahe dil

    kuchh muztarib se aaj vo bairūn-e-dar mile

    aalam ḳharāb hai na nikalne se aap ke

    niklo to dekho ḳhaak meñ kyā ghar ke ghar mile

    hai shām-e-hijr aaj o zālim o falak

    gardish vo kar ki shaam se aa kar sahar mile

    go paas ho pa chain to hai is bigāḌ meñ

    kyā lutf thā laḌe vo idhar aur udhar mile

    dil ne milā diiñ ḳhaak meñ sab vaz.a-dāriyāñ

    juuñ juuñ ruke vo milne se ham beshtar mile

    TuuTe ye baḳhiya zaḳhm hamdam kahīñ se

    ḳhanjar mile kaTār mile neshtar mile

    thā asl maiñ murād Dubonā jahān

    qābil samajh ke goyā hameñ chashm-e-tar mile

    us galī meñ le ga.e 'āzurdā' ko ise

    thī duā ye kis ne ki jannat meñ ghar mile

    hai muft dil ki qimat agar ek nazar mile

    ye wo mataa hai ki na len muft agar mile

    insaf kar ki laun main phir kaun sa wo din

    mahshar ke roz bhi na jo dad-e-jigar mile

    parwana-war hai had-e-parwaz shoala tak

    jalne hi ke liye mujhe ye baal-o-par mile

    aane se KHat ke jate rahe wo bigaD sab

    ban aai ab to hazrat-e-dil lo KHizr mile

    kya shukr ka maqam hai marne ki jahe dil

    kuchh muztarib se aaj wo bairun-e-dar mile

    aalam KHarab hai na nikalne se aap ke

    niklo to dekho KHak mein kya ghar ke ghar mile

    hai sham-e-hijr aaj o zalim o falak

    gardish wo kar ki sham se aa kar sahar mile

    go pas ho pa chain to hai is bigaD mein

    kya lutf tha laDe wo idhar aur udhar mile

    dil ne mila din KHak mein sab waza-dariyan

    jun jun ruke wo milne se hum beshtar mile

    TuTe ye baKHiya zaKHm ka hamdam kahin se la

    KHanjar mile kaTar mile neshtar mile

    tha asl main murad Dubona jahan ka

    qabil samajh ke goya hamein chashm-e-tar mile

    us ki gali mein le gae 'azurda' ko ise

    di thi dua ye kis ne ki jannat mein ghar mile

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY