hai naqsh-e-diram jo naqsh-e-pa hai

Khwaja Mohammad Wazir

hai naqsh-e-diram jo naqsh-e-pa hai

Khwaja Mohammad Wazir

MORE BYKhwaja Mohammad Wazir

    hai naqsh-e-diram jo naqsh-e-pā hai

    aap aate to ghar diram-sirā hai

    dil jalva tirā dikhā rahā hai

    shīsha ye mirā parī-numā hai

    sultān-e-jahāñ hai jo gadā hai

    taimūr har ik shikasta-pā hai

    insāñ bhī qudrat-e-ḳhudā hai

    kyā sañg ko but banā diyā hai

    shīrīñ hai dahan karo shukr-e-ḳhand

    hañsne meñ tumhārī ik mazā hai

    mazmūn parvāne ban ke aa.eñ

    shabdez-e-qalam charāġh-pā hai

    yārān-e-guzasht-gāñ se hai uns

    zinda murdoñ pe mar rahā hai

    aayā nahīñ ḳhud-farosh merā

    goyā mujhe mol le liyā hai

    vo rashk-e-bahār-o-ġhairat-e-gul

    gul-gasht-e-chaman ko jo gayā hai

    gulzār huā hai paanī paanī

    bulbul paanī bulbulā hai

    jo chāhiye ishq meñ kiyā vo

    ham mar ga.e kahiye marhabā hai

    hai jhūTā kahūñ jo raast hai qad

    ye tausan-e-husn alif huā hai

    muñh jis ne diyā vo rizq degā

    goyā ye dahāñ āsiyā hai

    tauba na dar ho band yārab

    jab tak dar-e-mai-kadā khulā hai

    hai shīshā-e-sabz garm qulqul

    tuutī mastoñ boltā hai

    kyā jism hai saaf us parī

    goyā qadd-e-ādam aa.ina hai

    begāna koī nazar na aayā

    aa.ina bhī sūrat-āshnā hai

    kyā ḳhauf-e-gunah 'vazīr' ko ho

    haamī sultān-e-ambiyā hai

    hai naqsh-e-diram jo naqsh-e-pa hai

    aap aate to ghar diram-sira hai

    dil jalwa tera dikha raha hai

    shisha ye mera pari-numa hai

    sultan-e-jahan hai jo gada hai

    taimur har ek shikasta-pa hai

    insan bhi qudrat-e-KHuda hai

    kya sang ko but bana diya hai

    shirin hai dahan karo shukr-e-KHand

    hansne mein tumhaari ek maza hai

    mazmun parwane ban ke aaen

    shabdez-e-qalam charagh-pa hai

    yaran-e-guzasht-gan se hai uns

    zinda murdon pe mar raha hai

    aaya nahin KHud-farosh mera

    goya mujhe mol le liya hai

    wo rashk-e-bahaar-o-ghairat-e-gul

    gul-gasht-e-chaman ko jo gaya hai

    gulzar hua hai pani pani

    bulbul pani ka bulbula hai

    jo chahiye ishq mein kiya wo

    hum mar gae kahiye marhaba hai

    hai jhuTa kahun jo rast hai qad

    ye tausan-e-husn alif hua hai

    munh jis ne diya wo rizq dega

    goya ye dahan aasiya hai

    tauba ka na dar ho band yarab

    jab tak dar-e-mai-kada khula hai

    hai shisha-e-sabz garm qulqul

    tuti maston ka bolta hai

    kya jism hai saf us pari ka

    goya qadd-e-adam aaina hai

    begana koi nazar na aaya

    aaina bhi surat-ashna hai

    kya KHauf-e-gunah 'wazir' ko ho

    hami sultan-e-ambiya hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY