hai nasim-e-subh aawara usi ke nam par

Akhtar Saeed

hai nasim-e-subh aawara usi ke nam par

Akhtar Saeed

MORE BY Akhtar Saeed

    hai nasīm-e-sub.h āvāra usī ke naam par

    bū-e-gul Thahrī huī hai jis kalī ke naam par

    kuchh na niklā dil meñ dāġh-e-hasrat-e-dil ke sivā

    haa.e kyā kyā tohmateñ thiiñ aadmī ke naam par

    phir rahā huuñ kū-ba-kū zanjīr-e-rusvā.ī liye

    hai tamāshā tamāshā zindagī ke naam par

    ab ye aalam hai ki har patthar se Takrātā huuñ sar

    maar Daalā ek but ne bandagī ke naam par

    kuchh ilaaj un bhī sochā tum ne ai chāragaro

    vo jo dil toḌe ga.e haiñ dilbarī ke naam par

    koī pūchhe mere ġham-ḳhvāroñ se tum ne kyā kiyā

    ḳhair us ne dushmanī dostī ke naam par

    koī pābandī hai hañsne par na ronā jurm hai

    itnī āzādī to hai dīvāngī ke naam par

    aap ke naam se paa.ī hai dil ne zindagī

    ḳhatm hogā ab ye qissa aap ke naam par

    kārvān-e-sub.h yaaro kaun manzil meñ hai

    maiñ bhaTaktā phir rahā huuñ raushnī ke naam par

    hai nasim-e-subh aawara usi ke nam par

    bu-e-gul Thahri hui hai jis kali ke nam par

    kuchh na nikla dil mein dagh-e-hasrat-e-dil ke siwa

    hae kya kya tohmaten thin aadmi ke nam par

    phir raha hun ku-ba-ku zanjir-e-ruswai liye

    hai tamasha sa tamasha zindagi ke nam par

    ab ye aalam hai ki har patthar se Takraata hun sar

    mar Dala ek but ne bandagi ke nam par

    kuchh ilaj un ka bhi socha tum ne ai chaaragaro

    wo jo dil toDe gae hain dilbari ke nam par

    koi puchhe mere gham-KHwaron se tum ne kya kiya

    KHair us ne dushmani ki dosti ke nam par

    koi pabandi hai hansne par na rona jurm hai

    itni aazadi to hai diwangi ke nam par

    aap hi ke nam se pai hai dil ne zindagi

    KHatm hoga ab ye qissa aap hi ke nam par

    karwan-e-subh yaro kaun si manzil mein hai

    main bhaTakta phir raha hun raushni ke nam par

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY