hai pairahan ka wo apne faqat naqib button

hai pairahan kā vo apne faqat naqīb button

agar zabān mayassar ho to ḳhatīb button

sadā-e-dil bhī vo suntā hai go tabīb button

sabab ye hai ki bahut dil ke hai qarīb button

libās-e-shoḳh pe zebā to ḳhush-nasīb button

lage ġharīb ke collar pe to ġharīb button

lagāte vaqt girā haath se chhiTak kar jab

to us ko chhoḌ diyā kah ke kam-nasīb button

jo TuuT kar kabhī kapḌoñ meñ lag nahīñ paate

unhīñ ko kahte haiñ duniyā meñ bad-nasīb button

nazar vo aa.eñ sabhī se alag isī dhun meñ

lagā ke aa.e haiñ kurte meñ kuchh 'ajīb button

havas bharī huī nazreñ to chubh nahīñ pātīñ

khule libās ko hotā agar nasīb button

kisī faqīr ke jab pairahan kā saath milā

to us ko kahne lage sab ki hai najīb button

irāda jaise kiyā us ne haq-bayānī kā

gale meñ Daal ke chalne lagā salīb button

bayān kaise karūñ maiñ tumhārī 'azmat kā

har ik libās kā hotā hai to munīb button

libās merā tire bin hai nā-mukammal to

ḳharāj pesh hai tujh ko mire habīb button

jo be-ḳhayālī meñ hoñToñ se lag gayā 'e'jāz'

to us ne kah diyā merā hai ab raqīb button

hai pairahan ka wo apne faqat naqib button

agar zaban mayassar ho to KHatib button

sada-e-dil bhi wo sunta hai go tabib button

sabab ye hai ki bahut dil ke hai qarib button

libas-e-shoKH pe zeba to KHush-nasib button

lage gharib ke collar pe to gharib button

lagate waqt gira hath se chhiTak kar jab

to us ko chhoD diya kah ke kam-nasib button

jo TuT kar kabhi kapDon mein lag nahin pate

unhin ko kahte hain duniya mein bad-nasib button

nazar wo aaen sabhi se alag isi dhun mein

laga ke aae hain kurte mein kuchh 'ajib button

hawas bhari hui nazren to chubh nahin patin

khule libas ko hota agar nasib button

kisi faqir ke jab pairahan ka sath mila

to us ko kahne lage sab ki hai najib button

irada jaise kiya us ne haq-bayani ka

gale mein Dal ke chalne laga salib button

bayan kaise karun main tumhaari 'azmat ka

har ek libas ka hota hai to munib button

libas mera tere bin hai na-mukammal to

KHaraj pesh hai tujh ko mere habib button

jo be-KHayali mein honTon se lag gaya 'e'jaz'

to us ne kah diya mera hai ab raqib button