hain aur kai ret ke tufan mere aage
Interesting Fact
Dedicated to Ghalib with an apology for using the rhyme of his ghazal "baaziicha-e-atfaal hai..."
haiñ aur ka.ī ret ke tūfāñ mire aage
phailegā abhī aur bayābāñ mire aage
bāhar nahīñ koī bhī mirī had-e-nazar se
maḳhfī hai koī koī numāyāñ mire aage
hastī mirī sahrā hai sarāb us kā muqaddar
āḳhir use honā hai pashemāñ mire aage
huuñ miil ke patthar kī tarah rāhguzar meñ
manzil pe nazar rakhte haiñ insāñ mire aage
tai ho na sakī dūri-e-manzil ye alag hai
har moḌ pe raushan rahā imkāñ mire aage
kāñdhe pe mire bojh rahā raḳht-e-safar kā
yuuñ niklā kiye be-sar-o-sāmāñ mire aage
jo sulh-o-safā.ī meñ haiñ pīchhe abhī 'rāhī'
rahte haiñ baham dast-o-garebāñ mire aage
hain aur kai ret ke tufan mere aage
phailega abhi aur bayaban mere aage
bahar nahin koi bhi meri had-e-nazar se
maKHfi hai koi koi numayan mere aage
hasti meri sahra hai sarab us ka muqaddar
aaKHir use hona hai pasheman mere aage
hun mil ke patthar ki tarah rahguzar mein
manzil pe nazar rakhte hain insan mere aage
tai ho na saki duri-e-manzil ye alag hai
har moD pe raushan raha imkan mere aage
kandhe pe mere bojh raha raKHt-e-safar ka
yun nikla kiye be-sar-o-saman mere aage
jo sulh-o-safai mein hain pichhe abhi 'rahi'
rahte hain baham dast-o-gareban mere aage
Source:
Kulliyat-e-Rahi (Pg. 245)
- Author: Ghulam Murtaza Rahi
-
- Edition: 2012
- Publisher: Educational Publishing House
- Year of Publication: 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
