hain jitni KHub-surat utni hi hain bewafa dekho
haiñ jitnī ḳhūb-sūrat utnī hī haiñ bevafā dekho
'sadā' bas duur hī se in hasīnoñ kī adā dekho
makīñ ai shaiḳh sāhib har makāñ meñ hai ḳhudā dekho
bahut DhūñDhā hai kā'be meñ zarā ab but-kada dekho
karo mat fikr marne kī ki marnā to musallam hai
magar marne se pahle zindagī kā har maza dekho
'ibādat ho rahī hai is jahāñ meñ kaise kaisoñ kī
ḳhudā but ban ke baiThā hai bane haiñ but ḳhudā dekho
burā sab se vahī hai jo burā auroñ ko kahtā hai
burā.ī dekhne vaalo kabhī to aa.ina dekho
banāyā aadmī jis ne kahāñ hai vo ḳhudā bolo
banā.e aadmī ne to hazāroñ haiñ ḳhudā dekho
bache jurm-e-ġhurūr-e-pārsā.ī se bhī ham vā'iz
maze ke saath saath in laġhzishoñ kā fā.eda dekho
abhī se kyoñ pareshāñ ho jahāñ kī kaj-adā.ī par
abhī hai ibtidā dekhī abhī tum intihā dekho
ḳhudā kā naam bhī lete chalo tum saath ke saath ab
chalī aa.e na jaane kis ghaḌī kis pal qazā dekho
na kuchh ‘ilm-e-‘arūz us ko na hai ahl-e-zabāñ hī vo
banā phirtā hai nāhaq hī 'sadā' naġhma-sarā dekho
hain jitni KHub-surat utni hi hain bewafa dekho
'sada' bas dur hi se in hasinon ki ada dekho
makin ai shaiKH sahib har makan mein hai KHuda dekho
bahut DhunDha hai ka'be mein zara ab but-kada dekho
karo mat fikr marne ki ki marna to musallam hai
magar marne se pahle zindagi ka har maza dekho
'ibaadat ho rahi hai is jahan mein kaise kaison ki
KHuda but ban ke baiTha hai bane hain but KHuda dekho
bura sab se wahi hai jo bura auron ko kahta hai
burai dekhne walo kabhi to aaina dekho
banaya aadmi jis ne kahan hai wo KHuda bolo
banae aadmi ne to hazaron hain KHuda dekho
bache jurm-e-ghurur-e-parsai se bhi hum wa'iz
maze ke sath sath in laghzishon ka faeda dekho
abhi se kyon pareshan ho jahan ki kaj-adai par
abhi hai ibtida dekhi abhi tum intiha dekho
KHuda ka nam bhi lete chalo tum sath ke sath ab
chali aae na jaane kis ghaDi kis pal qaza dekho
na kuchh ‘ilm-e-‘aruz us ko na hai ahl-e-zaban hi wo
bana phirta hai nahaq hi 'sada' naghma-sara dekho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.