hain sab ki tarah aur hain saron se alag hum

haiñ sab kī tarah aur haiñ sāroñ se alag ham

vahshat meñ rahe silsila-dāroñ se alag ham

kyā zikr kī majlis kā tumheñ haal sunā.eñ

baiThe the hazāroñ meñ hazāroñ se alag ham

atrāf hameñ khīñchte jaate the musalsal

qible ke liye ho ga.e chāroñ se alag ham

zāhir meñ bazāhir pe tavajjoh nahīñ dete

rakhte haiñ nazar 'aam nazāroñ se alag ham

rā'nā.ī meñ kyoñ husn-e-taḳhātub bhī muḳhil ho

us aañkh ko rakhte haiñ ishāroñ se alag ham

ham jānte haiñ lāzim-o-malzūm kī hujjat

paanī nahīñ karte haiñ kināroñ se alag ham

hotā hai nazar meñ koī maḳhsūs darīcha

hote haiñ qatāroñ meñ qatāroñ se alag ham

hain sab ki tarah aur hain saron se alag hum

wahshat mein rahe silsila-daron se alag hum

kya zikr ki majlis ka tumhein haal sunaen

baiThe the hazaron mein hazaron se alag hum

atraf hamein khinchte jate the musalsal

qible ke liye ho gae chaaron se alag hum

zahir mein bazahir pe tawajjoh nahin dete

rakhte hain nazar 'am nazaron se alag hum

ra'nai mein kyon husn-e-taKHatub bhi muKHil ho

us aankh ko rakhte hain ishaaron se alag hum

hum jaante hain lazim-o-malzum ki hujjat

pani nahin karte hain kinaron se alag hum

hota hai nazar mein koi maKHsus daricha

hote hain qataron mein qataron se alag hum