hain yun mast aankhon mein Dore gulabi

Nazeer Banarasi

hain yun mast aankhon mein Dore gulabi

Nazeer Banarasi

MORE BYNazeer Banarasi

    haiñ yuuñ mast āñkhoñ meñ Dore gulābī

    sharābī ke pahlū meñ jaise sharābī

    vo āñkheñ gulābī aur aisī gulābī

    ki jis rut ko dekheñ banā deñ sharābī

    badaltā hai har daur ke saath saaqī

    ye duniyā hai kitnī baḌī inqilābī

    javānī meñ is tarah miltī haiñ nazreñ

    sharābī se miltā hai jaise sharābī

    nichoḌo koī baḌh ke dāman shafaq

    falak par ye kis ne girā gulābī

    ghanī mast palkoñ ke saa.e meñ nazreñ

    bahakte hue mai-kadoñ meñ sharābī

    zarā mujh se bachte raho pārsāo

    kahīñ tum ko chhū le na merī ḳharābī

    'nazīr' apnī duniyā to ab tak yahī hai

    sharāb āftābī fazā māhtābī

    hain yun mast aankhon mein Dore gulabi

    sharabi ke pahlu mein jaise sharabi

    wo aankhen gulabi aur aisi gulabi

    ki jis rut ko dekhen bana den sharabi

    badalta hai har daur ke sath saqi

    ye duniya hai kitni baDi inqilabi

    jawani mein is tarah milti hain nazren

    sharabi se milta hai jaise sharabi

    nichoDo koi baDh ke daman shafaq ka

    falak par ye kis ne gira di gulabi

    ghani mast palkon ke sae mein nazren

    bahakte hue mai-kadon mein sharabi

    zara mujh se bachte raho parsao

    kahin tum ko chhu le na meri KHarabi

    'nazir' apni duniya to ab tak yahi hai

    sharab aaftabi faza mahtabi

    Source :
    • Book : Kulliyat-e-Nazeer Banarasi (Pg. 217)
    • Author : Nazeer Banarsi
    • Publication : Educational Publishing House (2014)
    • Edition : 2014
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY