hum aaj tak agarche use pa nahin sake

ham aaj tak agarche use pā nahīñ sake

tā-hāl is ḳhayāl se baaz aa nahīñ sake

parhez ḳhud 'ilāj hai ye sāmne kī baat

ham apne aap ko kabhī samjhā nahīñ sake

kī us nigāh-e-mast ne vo peshkash ki ham

tauba ke bāvajūd bhī Thukrā nahīñ sake

daurān-e-rāh koī farishta-sifat buzurg

aa.e zarūr the hameñ bahkā nahīñ sake

isrār se bulā.e ga.e the jahāñ vahāñ

ham apnī kāhilī ke sabab jā nahīñ sake

donoñ ne bevafā.ī nahīñ kī tamām 'umr

go ek dūsre ko ham apnā nahīñ sake

muzhda ki is nashist meñ 'anvar-sha'ūr' bhī

tashrīf lā rahe the magar lā nahīñ sake

hum aaj tak agarche use pa nahin sake

ta-haal is KHayal se baz aa nahin sake

parhez KHud 'ilaj hai ye samne ki baat

hum apne aap ko kabhi samjha nahin sake

ki us nigah-e-mast ne wo peshkash ki hum

tauba ke bawajud bhi Thukra nahin sake

dauran-e-rah koi farishta-sifat buzurg

aae zarur the hamein bahka nahin sake

israr se bulae gae the jahan wahan

hum apni kahili ke sabab ja nahin sake

donon ne bewafai nahin ki tamam 'umr

go ek dusre ko hum apna nahin sake

muzhda ki is nashist mein 'anwar-sha'ur' bhi

tashrif la rahe the magar la nahin sake