ہم اے غم حیات نہ جانے کہاں رہے
ہم اے غم حیات نہ جانے کہاں رہے
جب حسن اتفاق سے وہ مہرباں رہے
جس وقت چھڑ گئی ہے نگار سحر کی بات
تارے شب فراق مرے ہم زباں رہے
کیا اہتمام حسن چمن کر سکے بیاں
جب خود دل بہار میں پیہم خزاں رہے
پھر زندگی کرے نہ کوئی اور آرزو
گر اس کے ساتھ ایک غم جاوداں رہے
یا منزلوں کے ذکر سے تم نے دیا فریب
یا ہم ہی محو گرد رہ کارواں رہے
ناکامیوں کا اب یہ تقاضا ہے بار بار
ہر وقت ایک کشمکش امتحاں رہے
تاریک راستے میں بھی عظمتؔ ہمارے ساتھ
زخم وفا میں رنگ مہ و کہکشاں رہے
مأخذ:
زر گل (Pg. 49)
- مصنف: عظمت عبدالقیوم خاں
-
- ناشر: خیاباں، حیدرآباد
- سن اشاعت: 1964
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
