hum apne aapko apne se kam bhi karte rahte hain
ham apne aap ko apne se kam bhī karte rahte haiñ
aur is nuqsān par bekār ġham bhī karte rahte haiñ
uThāte rahte haiñ din-rāt dīvār-e-vajūd apnī
magar dīvār ko thoḌā sā ḳham bhī karte rahte haiñ
ham us ke husn kā jaadū bhī chaḌhne dete haiñ ḳhud par
aur apne aap par kuchh paḌh ke dam bhī karte rahte haiñ
hameñ bhī shahr kī raunaq balā le jaatī hai aksar
magar ham shahr kī raunaq se ram bhī karte rahte haiñ
hameñ jab ḳhuub chaḌh jaatā hai nashsha apnī hastī kā
to us nashshe meñ ham raqs-e-adam bhī karte rahte haiñ
ye ā.īna hamāre rū-ba-rū jo kuchh bhī kartā hai
vahī sab aa.ine ke saath ham bhī karte rahte haiñ
kabhī jab farhat-ehsās apnā afsāna sunāte haiñ
use apnī haqīqat kā alam bhī karte rahte haiñ
hum apne aap ko apne se kam bhi karte rahte hain
aur is nuqsan par bekar gham bhi karte rahte hain
uThate rahte hain din-raat diwar-e-wajud apni
magar diwar ko thoDa sa KHam bhi karte rahte hain
hum us ke husn ka jadu bhi chaDhne dete hain KHud par
aur apne aap par kuchh paDh ke dam bhi karte rahte hain
hamein bhi shahr ki raunaq bala le jati hai aksar
magar hum shahr ki raunaq se ram bhi karte rahte hain
hamein jab KHub chaDh jata hai nashsha apni hasti ka
to us nashshe mein hum raqs-e-adam bhi karte rahte hain
ye aaina hamare ru-ba-ru jo kuchh bhi karta hai
wahi sab aaine ke sath hum bhi karte rahte hain
kabhi jab farhat-ehsas apna afsana sunate hain
use apni haqiqat ka alam bhi karte rahte hain
Source:
Mohabbat Kar Ke Dekho Na (Pg. 122)
- Author: Farhat Ehsas
-
- Edition: First
- Publisher: Rekhta Publications
- Year of Publication: 2019
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.