hum apne hi sar lenge musibat ho kisi ki
ham apne hī sar leñge musībat ho kisī kī
aa.egī isī jaan pe aafat ho kisī kī
ham lutf ke rutbe ko abhī jāñch rahe haiñ
dil deñ agar aisī hī ināyat ho kisī kī
kyoñ vasl kī shab haath lagāne nahīñ dete
ma.ashūq ho yā koī amānat ho kisī kī
ai nāma-bar ahvāl-e-ġham-e-hijr to likh duuñ
aisā na ho merī hī sī hālat ho kisī kī
laḌnā kabhī milnā kabhī aanā kabhī jaanā
tum shoḳh ho yā shoḳh-tabī.at ho kisī kī
lo rahne do taskīñ ke liye ġhair kī tasvīr
shāyad jo na huuñ maiñ to zarūrat ho kisī kī
ye 'dāġh' hamārī nahīñ suntā nahīñ suntā
aisī bhī ilāhī na burī mat ho kisī kī
hum apne hi sar lenge musibat ho kisi ki
aaegi isi jaan pe aafat ho kisi ki
hum lutf ke rutbe ko abhi jaanch rahe hain
dil den agar aisi hi inayat ho kisi ki
kyon wasl ki shab hath lagane nahin dete
mashuq ho ya koi amanat ho kisi ki
ai nama-bar ahwal-e-gham-e-hijr to likh dun
aisa na ho meri hi si haalat ho kisi ki
laDna kabhi milna kabhi aana kabhi jaana
tum shoKH ho ya shoKH-tabiat ho kisi ki
lo rahne do taskin ke liye ghair ki taswir
shayad jo na hun main to zarurat ho kisi ki
ye 'dagh' hamari nahin sunta nahin sunta
aisi bhi ilahi na buri mat ho kisi ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.