hum apne zaKHm kuredte hain wo zaKHm parae dhote the

Abdul Ahad Saaz

hum apne zaKHm kuredte hain wo zaKHm parae dhote the

Abdul Ahad Saaz

MORE BY Abdul Ahad Saaz

    ham apne zaḳhm kuredte haiñ vo zaḳhm parā.e dhote the

    jo ham se ziyāda jānte the vo ham se ziyāda rote the

    achchhoñ ko jahāñ se uTThe hue ab kitnī dahā.iyāñ biit chukīñ

    āḳhir meñ udhar jo guzre haiñ shāyad un ke par-pote the

    in peḌoñ aur pahāḌoñ se in jhīloñ in maidānoñ se

    kis moḌ pe jaane chhūT ga.e kaise yārāne hote the

    jo shabd uḌāneñ bharte the āzād fazā-e-ma.anī meñ

    yuuñ sher bandish meñ simTe goyā pinjroñ ke tote the

    vo bhīge lamhe soch bhare vo jazboñ ke chaqmāq kahāñ

    jo misra-e-tar de jaate the lafzoñ meñ aag pirote the

    ye ḳhushk qalam banjar kāġhaz dikhlā.eñ kise samjhā.eñ kyā

    ham fasl nirālī kāTte the ham biij anokhe bote the

    ab 'sāz' nasheboñ meñ dil ke bas kīchaḌ kaalī daldal hai

    yaañ shauq ke Dhalte jharne the yaañ ġham ke ubalte sote the

    hum apne zaKHm kuredte hain wo zaKHm parae dhote the

    jo hum se ziyaada jaante the wo hum se ziyaada rote the

    achchhon ko jahan se uTThe hue ab kitni dahaiyan bit chukin

    aaKHir mein udhar jo guzre hain shayad un ke par-pote the

    in peDon aur pahaDon se in jhilon in maidanon se

    kis moD pe jaane chhuT gae kaise yarane hote the

    jo shabd uDanen bharte the aazad faza-e-mani mein

    yun sher ki bandish mein simTe goya pinjron ke tote the

    wo bhige lamhe soch bhare wo jazbon ke chaqmaq kahan

    jo misra-e-tar de jate the lafzon mein aag pirote the

    ye KHushk qalam banjar kaghaz dikhlaen kise samjhaen kya

    hum fasl nirali kaTte the hum bij anokhe bote the

    ab 'saz' nashebon mein dil ke bas kichaD kali daldal hai

    yan shauq ke Dhalte jharne the yan gham ke ubalte sote the

    RECITATIONS

    Abdul Ahad Saaz

    Abdul Ahad Saaz

    Abdul Ahad Saaz

    hum apne zaKHm kuredte hain wo zaKHm parae dhote the Abdul Ahad Saaz

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY