hum apni dawaon ka asar dekh rahe hain

ham apnī davāoñ kā asar dekh rahe haiñ

sahrā meñ mohabbat kā shajar dekh rahe haiñ

ik ḳhvāb kī tā'bīr batā.e koī ham ko

ham saath meñ jiine kā safar dekh raheñ haiñ

lagtā hī nahīñ diid ke qābil tirā chehra

dekhā nahīñ jaatā hai magar dekh rahe haiñ

mar jaate haiñ kuchh log mohabbat ke qafas meñ

aḳhbār meñ ham aisī ḳhabar dekh rahe haiñ

vo jis kī har ik Daal pe baiThe haiñ parinde

ham pyaar se ek aisā shajar dekh raheñ haiñ

kis baat kā mātam hai bapā ghar meñ hamāre

rotā huā har ek bashar dekh rahe haiñ

ho jā.eñge behosh vo 'zīshān' yaqīnan

jo aap kī qātil sī nazar dekh rahe haiñ

hum apni dawaon ka asar dekh rahe hain

sahra mein mohabbat ka shajar dekh rahe hain

ek KHwab ki ta'bir batae koi hum ko

hum sath mein jine ka safar dekh rahen hain

lagta hi nahin did ke qabil tera chehra

dekha nahin jata hai magar dekh rahe hain

mar jate hain kuchh log mohabbat ke qafas mein

aKHbar mein hum aisi KHabar dekh rahe hain

wo jis ki har ek Dal pe baiThe hain parinde

hum pyar se ek aisa shajar dekh rahen hain

kis baat ka matam hai bapa ghar mein hamare

rota hua har ek bashar dekh rahe hain

ho jaenge behosh wo 'zishan' yaqinan

jo aap ki qatil si nazar dekh rahe hain