ہم اپنی دواؤں کا اثر دیکھ رہے ہیں

ہم اپنی دواؤں کا اثر دیکھ رہے ہیں

صحرا میں محبت کا شجر دیکھ رہے ہیں

اک خواب کی تعبیر بتائے کوئی ہم کو

ہم ساتھ میں جینے کا سفر دیکھ رہیں ہیں

لگتا ہی نہیں دید کے قابل ترا چہرہ

دیکھا نہیں جاتا ہے مگر دیکھ رہے ہیں

مر جاتے ہیں کچھ لوگ محبت کے قفس میں

اخبار میں ہم ایسی خبر دیکھ رہے ہیں

وہ جس کی ہر اک ڈال پہ بیٹھے ہیں پرندے

ہم پیار سے ایک ایسا شجر دیکھ رہیں ہیں

کس بات کا ماتم ہے بپا گھر میں ہمارے

روتا ہوا ہر ایک بشر دیکھ رہے ہیں

ہو جائیں گے بے ہوش وہ ذیشانؔ یقیناً

جو آپ کی قاتل سی نظر دیکھ رہے ہیں