hum apni dhun mein magan log is nagar ke nahin

ham apnī dhun meñ magan log is nagar ke nahīñ

yahāñ ke haiñ bhī to ab rāste mafar ke nahīñ

tumheñ ham amn ke mausam meñ milne ā.eñge

hamāre des meñ din in dinoñ safar ke nahīñ

janam janam se hai parvarda-e-ġham-e-hijrāñ

ye daaġh dil pe kisī 'umr-e-muḳhtasar ke nahīñ

siyāh shab hai bahut ehtiyāt ham-safaro

shajar sarakte hue merī rah-guzar ke nahīñ

ḳhud aap apnī shifā hai maraz marīzoñ kā

kamāl is meñ fusūñ-kār chārāgar ke nahīñ

bure bahut haiñ chalan un ke chaal bhī hogī

ġhalat irāde mire ik bhī ham-safar ke nahīñ

batāne aayā huuñ dastak ke baa'd kyā huā thā

maiñ jā rahā huuñ tirā intizār kar ke nahīñ

kabhī vo baaġh meñ ḳhud bhī dikhā.ī detā hai

guloñ pe kaam kisī dast-e-be-hunar ke nahīñ

hum apni dhun mein magan log is nagar ke nahin

yahan ke hain bhi to ab raste mafar ke nahin

tumhein hum amn ke mausam mein milne aaenge

hamare des mein din in dinon safar ke nahin

janam janam se hai parwarda-e-gham-e-hijran

ye dagh dil pe kisi 'umr-e-muKHtasar ke nahin

siyah shab hai bahut ehtiyat ham-safaro

shajar sarakte hue meri rah-guzar ke nahin

KHud aap apni shifa hai maraz marizon ka

kamal is mein fusun-kar chaaragar ke nahin

bure bahut hain chalan un ke chaal bhi hogi

ghalat irade mere ek bhi ham-safar ke nahin

batane aaya hun dastak ke ba'd kya hua tha

main ja raha hun tera intizar kar ke nahin

kabhi wo bagh mein KHud bhi dikhai deta hai

gulon pe kaam kisi dast-e-be-hunar ke nahin