ham bāġh-e-tamannā meñ din apne guzār aa.e
aa.e na bahār āḳhir shāyad na bahār aa.e
rañg un ke talavvun kā chhāyā rahā mahfil par
kuchh sīna-figār uTThe kuchh sīna-figār aa.e
fitrat hī mohabbat kī duniyā se nirālī hai
ho dard sivā jitnā utnā hī qarār aa.e
kyā husn-e-tabī.at hai kyā ishq kī zīnat hai
dil miT ke qarār aa.e rañg uḌ ke nikhār aa.e
dar se tire Takrāyā ik na.ara-e-mastāna
be-nām liye terā ham tujh ko pukār aa.e
tasvīr banī dekhī ik jān-e-tamannā kī
aañsū mirī āñkhoñ meñ kyā silsila-vār aa.e
kuchh un se na kahnā hī thī fat.h mohabbat kī
jiitī huī baazī ko ham jaan ke haar aa.e
is darja vo pyāre haiñ kahte hī nahīñ bantā
kyā aur kahā jaa.e jab aur bhī pyaar aa.e
is bazm meñ ham āḳhir pahuñche bhī to kyā paayā
dil hī kī dabī choTeñ kuchh aur ubhār aa.e
hum bagh-e-tamanna mein din apne guzar aae
aae na bahaar aaKHir shayad na bahaar aae
rang un ke talawwun ka chhaya raha mahfil par
kuchh sina-figar uTThe kuchh sina-figar aae
fitrat hi mohabbat ki duniya se nirali hai
ho dard siwa jitna utna hi qarar aae
kya husn-e-tabiat hai kya ishq ki zinat hai
dil miT ke qarar aae rang uD ke nikhaar aae
dar se tere Takraya ek nara-e-mastana
be-nam liye tera hum tujh ko pukar aae
taswir bani dekhi ek jaan-e-tamanna ki
aansu meri aankhon mein kya silsila-war aae
kuchh un se na kahna hi thi fath mohabbat ki
jiti hui bazi ko hum jaan ke haar aae
is darja wo pyare hain kahte hi nahin banta
kya aur kaha jae jab aur bhi pyar aae
is bazm mein hum aaKHir pahunche bhi to kya paya
dil hi ki dabi choTen kuchh aur ubhaar aae
Videos
This video is playing from YouTube
Iram Lakhnavi
Unknown
Iqbal Bano
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.