hum bhi nadan hain samajhte hain ki chhaT jaegi
ham bhī nādāñ haiñ samajhte haiñ ki chhaT jā.egī
tīrgī nuur ke paikar meñ simaT jā.egī
log kahte haiñ mohabbat se tamannā jis ko
merī shah-e-rag usī talvār se kaT jā.egī
tum jise baañT rahe ho vo sitam-dīda-zamīñ
zalzala aa.egā kuchh aisā ki phaT jā.egī
qaid huuñ gumbad-e-be-dar meñ mirī apnī sadā
mujh tak aa.egī magar aa ke palaT jā.egī
baañT jī bhar ke use dahr ke mahrūmoñ meñ
pyaar daulat to nahīñ hai ki jo ghaT jā.egī
bād-e-sarsar se na ghabrā ki ye chal kar 'ārif'
kitne chehroñ se naqāboñ ko ulaT jā.egī
hum bhi nadan hain samajhte hain ki chhaT jaegi
tirgi nur ke paikar mein simaT jaegi
log kahte hain mohabbat se tamanna jis ko
meri shah-e-rag usi talwar se kaT jaegi
tum jise banT rahe ho wo sitam-dida-zamin
zalzala aaega kuchh aisa ki phaT jaegi
qaid hun gumbad-e-be-dar mein meri apni sada
mujh tak aaegi magar aa ke palaT jaegi
banT ji bhar ke use dahr ke mahrumon mein
pyar daulat to nahin hai ki jo ghaT jaegi
baad-e-sarsar se na ghabra ki ye chal kar 'arif'
kitne chehron se naqabon ko ulaT jaegi
Source:
Rooh-e-Ghazal,Pachas Sala Intekhab (Pg. 254)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
