hum jaisi jahan mein bhi koi baat kahan hai

ham jaisī jahāñ meñ bhī koī baat kahāñ hai

larzish sī hama-vaqt hai ūdham sā ravāñ hai

nālān-e-junūñ-zād kisū pas na sunā.ī

ik raunaq-e-āfāq meñ guftār-e-fuġhāñ hai

hai vo ki jahāñ ḳhuun meñ hai rāz-o-niyāzī

vo pīr-e-ḳhirad barg-o-gul-e-bāġh-e-nihāñ hai

dā'vā-e-suḳhan der talak hove hamārā

maqdūr hai satvat hai ye jaadū kā bayāñ hai

har jā ke tilismāna 'adū saath kuḌhe jā

is roz zubūñ huuñ jo mire muñh meñ zabāñ hai

āshuftagī-e-soz-e-alam se hī to yaaro

dil merā jalā kyā ye ki uf kitnā dhuāñ hai

paḌh lo jo nazar aave hai bārīk-nigārī

behad suḳhan-āmāda hai sāhab ye 'abāñ' hai

hum jaisi jahan mein bhi koi baat kahan hai

larzish si hama-waqt hai udham sa rawan hai

nalan-e-junun-zad kisu pas na sunai

ek raunaq-e-afaq mein guftar-e-fughan hai

hai wo ki jahan KHun mein hai raaz-o-niyazi

wo pir-e-KHirad barg-o-gul-e-bagh-e-nihan hai

da'wa-e-suKHan der talak howe hamara

maqdur hai satwat hai ye jadu ka bayan hai

har ja ke tilismana 'adu sath kuDhe ja

is roz zubun hun jo mere munh mein zaban hai

aashuftagi-e-soz-e-alam se hi to yaro

dil mera jala kya ye ki uf kitna dhuan hai

paDh lo jo nazar aawe hai barik-nigari

behad suKHan-amada hai sahab ye 'aban' hai