hum jise samajhte the sai-e-raegan yaro

Fareed Javed

hum jise samajhte the sai-e-raegan yaro

Fareed Javed

MORE BYFareed Javed

    ham jise samajhte the sa.ī-e-rā.egāñ yaaro

    ab usī se milnā hai apnā kuchh nishāñ yaaro

    ruk sake to mumkin hai naġhmagī meñ Dhal jaa.e

    uTh rahī hai sīnoñ meñ shorish-e-fuġhāñ yaaro

    kyā ḳhayāl hai tum ko kyā malāl hai tum ko

    pūchhtā koī tum se kyuuñ huuñ sargirāñ yaaro

    barq se tasādum vaqt aa jā.egā

    DhūñDte rahoge tum barq se amaañ yaaro

    sach se pyaar karne hausla nahīñ hai aur

    maslahat rāhoñ se dil hai bad-gumāñ yaaro

    kuchh surūr to hogā koī nuur to hogā

    jis se zulmat-e-shab meñ dil hai naġhma-ḳhvāñ yaaro

    kam-sabāt hotī hai tāzgī-o-ra.anā.ī

    der tak nahīñ rahtā sub.h samāñ yaaro

    hum jise samajhte the sai-e-raegan yaro

    ab usi se milna hai apna kuchh nishan yaro

    ruk sake to mumkin hai naghmagi mein Dhal jae

    uTh rahi hai sinon mein shorish-e-fughan yaro

    kya KHayal hai tum ko kya malal hai tum ko

    puchhta koi tum se kyun hun sargiran yaro

    barq se tasadum ka waqt aa hi jaega

    DhunDte rahoge tum barq se aman yaro

    sach se pyar karne ka hausla nahin hai aur

    maslahat ki rahon se dil hai bad-guman yaro

    kuchh surur to hoga koi nur to hoga

    jis se zulmat-e-shab mein dil hai naghma-KHwan yaro

    kam-sabaat hoti hai tazgi-o-ranai

    der tak nahin rahta subh ka saman yaro

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY