hum jo ek lahr mein lahraate hue jhumte hain

Fazl Geelani

hum jo ek lahr mein lahraate hue jhumte hain

Fazl Geelani

MORE BYFazl Geelani

    ham jo ik lahr meñ lahrāte hue jhūmte haiñ

    kyuuñ na aisā ho ki ham saath tire jhūmte haiñ

    raqs-e-darvesh ye silsila duniyā se na joḌ

    ham kisī aur lazzat ke liye jhūmte haiñ

    aisī manzil pe le aayā hai mirā raqs mujhe

    ab ka.ī silsile bhī saath mire jhūmte haiñ

    Dol jaa.e na tire Dolne se partav-e-nūr

    tere hamrāh ka.ī sham.a-kade jhūmte haiñ

    zarā dekho to sahī ahl-e-mohabbat taraf

    kitnī sarmastiyāñ āñkhoñ meñ liye jhūmte haiñ

    raushnī raaz hai aisā ki samajh aane par

    kitne sar ghūmte haiñ kitne diye jhūmte haiñ

    maiñ akelā to nahīñ jhuum rahā huuñ 'sayyad'

    taare bhī saath mire raat ga.e jhūmte haiñ

    hum jo ek lahr mein lahraate hue jhumte hain

    kyun na aisa ho ki hum sath tere jhumte hain

    raqs-e-darwesh ka ye silsila duniya se na joD

    hum kisi aur hi lazzat ke liye jhumte hain

    aisi manzil pe le aaya hai mera raqs mujhe

    ab kai silsile bhi sath mere jhumte hain

    Dol jae na tere Dolne se partaw-e-nur

    tere hamrah kai shama-kade jhumte hain

    zara dekho to sahi ahl-e-mohabbat ki taraf

    kitni sarmastiyan aankhon mein liye jhumte hain

    raushni raaz hai aisa ki samajh aane par

    kitne sar ghumte hain kitne diye jhumte hain

    main akela to nahin jhum raha hun 'sayyad'

    tare bhi sath mere raat gae jhumte hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY