hum jo pahunche sar-e-maqtal to ye manzar dekha

Mohsin Naqvi

hum jo pahunche sar-e-maqtal to ye manzar dekha

Mohsin Naqvi

MORE BYMohsin Naqvi

    ham jo pahuñche sar-e-maqtal to ye manzar dekhā

    sab se ūñchā thā jo sar nok-e-sināñ par dekhā

    ham se mat pūchh ki kab chāñd ubhartā hai yahāñ

    ham ne sūraj bhī tire shahr meñ aa kar dekhā

    aise lipTe haiñ dar-o-bām se ab ke jaise

    hādsoñ ne baḌī muddat meñ mirā ghar dekhā

    ab ye sochā hai ki auroñ kahā māneñge

    apnī āñkhoñ pe bharosā to bahut kar dekhā

    ek ik pal meñ utartā rahā sadiyoñ azaab

    hijr raat guzārī hai ki mahshar dekhā

    mujh se mat pūchh mirī tishna-labī ke tevar

    ret chamkī to ye samjho ki samundar dekhā

    dukh aisā thā ki 'mohsin' huā gum-sum varna

    ġham chhupā kar use hañste hue aksar dekhā

    hum jo pahunche sar-e-maqtal to ye manzar dekha

    sab se uncha tha jo sar nok-e-sinan par dekha

    hum se mat puchh ki kab chand ubharta hai yahan

    hum ne suraj bhi tere shahr mein aa kar dekha

    aise lipTe hain dar-o-baam se ab ke jaise

    hadson ne baDi muddat mein mera ghar dekha

    ab ye socha hai ki auron ka kaha manenge

    apni aankhon pe bharosa to bahut kar dekha

    ek ek pal mein utarta raha sadiyon ka azab

    hijr ki raat guzari hai ki mahshar dekha

    mujh se mat puchh meri tishna-labi ke tewar

    ret chamki to ye samjho ki samundar dekha

    dukh hi aisa tha ki 'mohsin' hua gum-sum warna

    gham chhupa kar use hanste hue aksar dekha

    Source :
    • Book : Urdu Adab (Pg. 58)
    • Author : Iqbal Hussain
    • Publication : Iqbal Hussain Publishers (Jan, Feb. Mar 1996)
    • Edition : Jan, Feb. Mar 1996
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY